返工遭上司狂罵 連續3晚OT至凌晨 決心辭工頂手Party Room
Yan在1年前開始留意到生意頂讓平台，但一直都只是瀏覽各個頂手平台網站，並沒有行動。直到3個月前，新來的上司因為小事當眾狂罵她，再加上連續3晚OT至凌晨，職場不順利令她決心辭職，開始接觸生意轉讓顧問，查詢不同類型的生意盤，最後購入一間近40萬頂手位於荃灣的Party room。
「我大學時一直都有個創業夢，嗰時已經好想開Party room，香港地方又唔夠，我地呢啲年輕人好想擁有自己既私人空間，可以享樂同休息，好好彩咁啱有間利潤不錯的Party room放盤，我一睇個裝修就好鍾意。」
賣家Crystal表示自己自小就很愛玩，朋友有很多，所以Party room剛開業的一年經常帶朋友來幫襯再傳開口碑，生意很快就上軌道，每月利潤穩定地有6-7萬。最近跟男友申請移民英國，所以決定放盤。「其實都好唔捨得，做左幾年，好多熟客keep住黎。」
買家Yan覺得滿意便即時傾頂手，也沒有像之前幾個買家大幅講價，賣家Crystal認為買家爽快，所以很樂意幫對方接手。「我盤生意個個月有錢賺，頂手7-8個月就回本啦！所以之前有幾個買家同我傾半價出讓，我直接同佢哋講唔使傾！Yan就好爽快，而且有心做，所以我幫佢接單接到12月，佢接手之後3個月都保證有錢賺。」
