平價速剪速賺廿萬

免吹頭、洗頭，十五分鐘「齋剪」 的速剪文化，近年在香港迅速冒起。三十六歲的洪崧（Isaac）曾在龍頭速剪店QB House任管理層，打理十三間店，人工一萬七千元。今年四月，夥拍連鎖文具店老闆陳岳英（四十九歲）自立門戶，在元朗及天水圍開設兩間速剪店，兩人將管理連鎖店及髮型屋經驗套用到鋪頭，營運僅三個月，上月淨賺廿多萬元。Isaac任髮型師二十年，從揸鉸剪改執計算機，決心打造另一個速剪品牌，十五 分鐘內，髮碎速速落地，銀紙亦速速落袋。

上週五四時，位於天水圍銀座商場的髮型屋，店內左右兩排座位已經爆滿，客人多是踢着拖鞋的街坊，有人拿着一個個購物袋，有人推着嬰兒車，如診所輪症 般排排坐。他們提供速剪服務，剪頭髮只需十五分鐘。客人進來，先要買飛輪候，到有空位，髮型師會在詢問客人剪髮要求時，在客人面前消毒鉸剪等工具，另外 梳子亦放在消毒櫃內特別處理。由於髮型屋標榜「單剪」服務，不會為客人洗頭及吹頭，所以每個座位有一個特別裝置，髮型師替客人剪完頭髮後，會開動一條吸氣管，為客人吸走身上的髮碎，再迎接另一位客人。「好快手，趕時間都可以好快搞掂。」街坊黃小姐最欣賞是夠效率，「我啲頭髮好厚，都係十幾分鐘就剪好，效果 都符合到我要求。」

佣金跳bar 多勞多得

「十五分鐘剪一個頭，無咗洗頭同吹頭步驟，客人省咗時間，公司亦省咗成本。」這套速剪運作模式，是Isaac由QB House全盤抄過來，QB House收五十元，他卻以優惠價四十元作招徠，擺明車馬搶客。他指，這種速剪店比傳統髮型屋運作模式簡單得多，首先頂手裝修不用太多設施，「多啲嚟，密啲手，員工亦唔使不停推銷，個客同個同事都舒服啲。」不過Isaac知道，要剪得快又好，師傅必須要有一定技巧和經驗，因此店長都擁有超過二十年經驗，而且 還會配合轉讓配件，例如他們引入八百至一千元的魚骨子梳，梳起來暢順又省時。此外，自己任髮型師二十年，Isaac深明行內流弊，「好多髮型師紀律唔好， 今個月覺得搵夠又唔返，識咗個女仔又會突然唔見一個禮拜。」為此設計一套「跳bar佣金制」。髮型師底薪四千元，每月有八天假，連同五百元勤工獎及放棄四天例假，底薪可增至五千五百元。佣金則以人頭計算，外間髮型屋每個七元，他們為提升髮型師效率，每日平均剪滿五十個客會改計八元，滿六十個是九元，生意以結月計算。勤力的髮型師一個月可以賺取近二萬元，比其他髮型屋多三、四千元，留下來的員工，都是希望多勞多得。Isaac負責店鋪營運，包括面試、 管理和入貨等工作，而制定公司政策、行政和會計等，則由經營文具店近二十年的拍檔陳岳英負責，這個佣金制就是由他想出來，陳說：「呢種方法可令髮型師搵多 啲，我哋又賺多咗，係一個雙贏的方法。」

壹點知識速剪文化源自日本

速剪意指不包括洗頭及吹頭的單剪服務，專門店近年在本港愈開愈多。QB House (Quick Beauty簡寫)於九五年在日本創立，當地擁有分店逾四百間，並擴展至新加坡、馬來西亞及泰國等地。○六年引入本港，至今共有分店二十九間，當中十七 間位於新界，多在地鐵站或商場內。他們的經營理念是客人只須付出五十元，就可在十分鐘內完成快速理髮服務。近年不少人看準這個商機，紛紛在各區開設速剪專門店。

租商場鋪 劈價三成

陳岳英開設文具店近二十年，目前擁有分店九間，多位於屋邨、屋苑商場，因此他對揀鋪位有一定心得：「最好係商場鋪，仲要係人流多嘅商場，租係貴咗，但如果 個鋪平租但無人流，會守得好辛苦。」選址天水圍銀座店，亦是因為有人流保證，「呢間位置喺超級市場隔籬，我地係sell速剪，啲人行完超級市場一定會經過 我哋鋪頭，停低剪個頭髮都係十幾分鐘，之後就可以返屋企，方便又快捷。」Isaac亦形容，擁有落地玻璃的天水圍鋪，「格局好似做show咁。」有助宣 傳。除了選鋪有技巧，陳岳英稱殺價都有學問：「要揀個又靚又抵租嘅鋪位一定要好似師奶買餸咁，夠膽殺價，一般都講到七、八折。」他表示很多時經紀都會報大 數，有時是以建築面積報大呎數，混淆視聽，令人誤會呎價低，有時又會報大實用面積，所以他們用盡方法了解鋪位呎數：「好似呢間咁，佢本來 用板圍住晒睇唔到個鋪，但個鋪係喺超級市場入面間出嚟，我哋咪入超級市場，用手用腳度佢大約有幾多呎囉，咁樣呃唔到我哋，講價都易啲。」不過陳岳英指，很 多發展商都會審核店鋪營運狀況，以及有關行業是否配合商場形象等，為了入商場，他們先在元朗同樂街開地鋪，「要做出一啲成績，發展商才會看到，他們是先看 見後相信。」

靈活盡用鋪位

雖然標榜速剪服務，但元朗店有兩層，為盡用鋪位，Isaac亦加開染髮、電髮、數碼曲髮和負離子等服務，而寬敞的地下鋪位，亦分隔開兩部分，一面 做速剪，另一面則設貨架賣文具精品。速剪用四個座位已經足夠，剩番啲位唔好嘥，用埋嚟做其他嘢，開拓多咗客源又搵多咗錢囉，哈哈。Isaac坦言，元朗鋪人流不及天水圍，幸好有染髮、電髮等其他服務拉上補下，目前電、染髮和剪髮的營業額比例約七比三，加上收費比速剪高，開業三個月，盈利已達十一萬多。Isaac稱，他們標明不會有任何額外收費，就算是指定髮型師都是一樣，染髮一百，就是一百，「我哋知道好多時髮型屋外面寫住負離子一 百九十八，但客人入到去會變咗四百，因為佢哋會同客講加幾錢效果又會好幾多咁，我唔想客人有種俾人『掠水』嘅感覺。」為減低成本，他們會跳過中間的分銷商，直接找廠商以批發價入貨。每次入貨量大約用三個月，亦確保新鮮，亦可壓低價錢。

非首次創業

其實今次並非Isaac首次創業，十七歲入行的Isaac，二○○五年加入QB House備受器重，同年底與另一名同事被選中到日本受訓，及後升任營運經理（Operation Manager），管理全港十三間店，薪金大約是一萬七千元。Isaac認為見過有十多二十人抄橋自立門戶，經營至今的亦大有人在，自己亦躍躍欲試。○七年八月在港島開設速剪「髮達站」，首三個月一直蝕錢，有股東守不住退股，讓他要一度離開香港並到積金局宣誓，取出四萬元強積金周轉。至今「髮達站」已增至三間，累積的經驗亦令他信心大增，向速剪連鎖店之路進發，Isaac透露，計劃今年分店數目會增至五間，下年會再開五六間。

更多有用資料:

網上宣傳入門懶人包

政府基金資助一覽