立足馬鞍山廣場13年的夾糖店「Double Happiness喜喜」，因譚仔擴充被收回舖位，老闆兩夫婦亦有其退休計劃，順勢結業。「真係唔做？啲人咪會無糖食？」自少在馬鞍山長大的90後熟客Suki聽到消息後，這名資深糖果愛好者萌生熱血想法，膽粗粗頂手糖果店，在鄰近的褔安商場重新開業，希望為馬鞍山人守着回憶。

23歲的Suki第一次光顧的情景仍歷歷在目，「小學時每次去完興趣班就會過隔嚟夾糖」。十年前某天，臉上掛着大大個黑眼圈的Suki一走進夾糖店，素未謀面的老闆娘便問她，「你做賊啊？10日冇瞓過覺？」她指老闆娘記性好好，會記得很多客人，又喜歡跟他們聊天，「我成日去到都畀老闆娘寸」，他們還經常談論「糖經」，如糖果質素或廠商改版等話題。

雖是資深糖果愛好者，但Suki從沒想過擁有自己的糖果店，決定頂手夾糖店亦只是一刻的事。她接受《香港01》記者訪問時多次形容過程很倉促，「細個冇任性過，大個先嚟任性。」一時衝動為了守護十多年的回憶，還有街坊情及區內的「大細路」，「呢區咁多大細路，唔喺呢度仲可以去邊度夾（糖）？谷住去旺角夾咩？」

鄰店店主看見Suki膽粗粗學人做老闆，曾與她分享生意之道，笑指她是「傻妹混混噩噩頂人哋間舖做」，稱沒有人會像她這樣承接別人的生意，兼且還搬舖，說倒不如直接開新店。不過Suki非常堅定，「冇諗過重新開始，都唔係以前嗰間啦！」她繼續沿用前舖名字「Double Happiness喜喜」及其標誌，「啲客會認得，我之前都係認得朵花」。

開店並非易事，身邊人支持相當重要，特別前期需要不少資金。畢業一年多的Suki稱除自己的積蓄，財政上家人亦給了她一點支援。Suki坦言起初不獲家人支持，「梗係唔肯啦，呢啲搵唔到食！」最後如何說服他們？她笑稱「冇喎，都係鬧嚟鬧去」。
經過老闆娘一星期特練，包括學習如何將糖果上架、清潔糖櫃、打理店舖等，Suki終於成功開業。她畢業後只做過兼職，但開業一個月以來，舖頭成為她另一個家，「日日都喺度」，由早上10時至晚上11時，全日工作13小時；由開舖至收舖、入貨至上架，全由她一人包辦，「最多屋企人放工後過來幫手收舖」。Suki笑言辛苦過打工仔，亦非常困身，「都有啲後悔，廿幾歲人梗係會想出去玩」。

不過Suki亦從中得到快樂，「返工係咁夾糖畀自己」，又漸漸開始跟客人熟落，往日夾糖店內擦肩而過的志同道合者，現在成了可與她打牙骹的客人。她以老闆娘為榜樣，希望多與客人交流，建立街坊關係，「唔係齋坐喺度收你錢」，又不希望小店變得商業化，失去10多年來的情誼，「吹水為主，夾糖次要」。
實體店租金昂貴，走到網絡似乎是本土小店的出路。做過網購的Suki認為，網店的確可行，卻失去夾糖有趣之處「分量自己控制，鍾意夾幾多就幾多」，而且網上只有公事式查詢，「冇咗面對面傾嘅溝通感覺」。她現階段計劃推出優惠，尋回熟客，亦開設新facebook page及Instgram做推廣，又會代購韓國糖、杯麵、零食及飲品，開拓貨源。　
問到生意目標，Suki坦承「冇計過數，我唔係計數叻嘅人，或者蝕到入骨入肉就唔做」，又或者當家人再三訓示，不再以金錢支持，糖果店便要結束，Suki坦言不免擔心，但「做到無錢咪去返工」。

更多有用資料:

申請減租信樣本

網上宣傳入門懶人包

政府基金資助一覽