沙塵滾滾，周遭變天，一間小店竟如不動磐石，獨沽一味越南法式三文治，存活40年！
它是位於佐敦渡船角的添記，旁邊就是如火如荼的高鐵大地盤。曾經，這一角有佐敦道碼頭和巴士總站，渡輪泊岸，巴士穿梭，直至90年末後這重要的交通樞紐才漸漸消失，隨之天價豪宅拔地而起，繼西鐵柯士甸站，耗資過百億元的高鐵站今年底也將啟用了。
熟客來買包，不禁替老闆憂心：「租金樓價肯定狂飆，要唔要搵定鋪位搬？」
「高鐵站起好無影響。」被街坊稱為「高佬老闆」的范季浩篤定回應。對於他，時代改變不當一回事，手提電話他也從來不用。
「高鐵人流係過客，唔會嚟搵食；人家如果嚟搵食，根本唔使理高鐵嘅。」他的店屬蚊型，座位只三個，卻因麵包脆餡料足，十多年來客源穩定，除了來自港九新界的熟客，不時有遊客慕名而至。
26年前，他和拍檔許穎頤頂手已經營十多年的添記。許老闆回憶，上手店主年紀老邁做不下去，於是和高佬一齊做，「搵兩餐」。
「上手（店主）應承教我哋做法式三文治，我哋先肯頂手，一做二十幾年，都係跟隨上手嘅分量配料去做。」
「你自己做嘅過程中，又加加減減啲，又聽下客啲意見。」高佬老闆補充。
兩個老闆即是兩個員工，分三更輪替無分你我：看鋪、製作餡料，誰當更誰就一腳踢。除了扎肉，饀料都是自家製，尤以嚼肉濃郁，令三文治味道更豐腴。
「好嘢唔使多，賣一樣都夠喇。」高佬老闆說。焗一個包看似簡單非常，但二人絕不假手於人，都是「專一」男。平日叫貨40條大包、60條細包；假日追加一半左右，賣光就收工了。
撰文：韓潔瑤
攝影：鄧廣基
添記法式三文治
地址：佐敦渡船角文苑街30號文耀樓地下A號鋪
電話：2385 7939
更多有用資料:
申請減租信樣本
網上宣傳入門懶人包
政府基金資助一覽
