[90後姊妹創業]  洗衣店成功頂手

香港地，土地問題嚴重，連洗衫曬衫都成問題。近年劏房新盤湧現，市民在迷你單位內缺乏空間洗衫曬衫，洗衣店遍地開花，成為現時極具發展潛力的一行業！

90後空服Queenie和任職文員的妹妹Elaine在今年暑假一起闖進洗衣業，成為最佳拍檔。

和其他香港人一樣，家裏空間小，而父母收入也不多，為了養大兩姊妹，省下不少開支，包括買洗衣機，所以兩姊妹從小就學會自己洗衣服。

姐姐Queenie畢業後投身空服行業，受輪班制度限制，普遍下班時間已是深宵，當時她認為「洗衫係一個大問題，宜家大個有錢買洗衣機，但發現冇位放。而且好多時半夜三更先放工，但第二日又要着同一套制服返工，個人已經好攰，根本唔想手洗。何況香港咁濕熱，套制服又乾唔切。所以就諗，如果屋企樓下有間洗衣店就好啦。」

妹妹Elaine任職文員，一直覺得辦公室工作很苦悶，想自己做一些小生意，所以聽到姐姐Queenie的想法後覺得很有商機，「我一聽到我就覺得有得諗喎! 屋企附近冇洗衣店，但其實家家都有洗衣嘅需要，係一門長期有需求有回報嘅生意，咁不如自己開一間啦! 仲可以盡早吸納曬區內有潛力嘅客人!」

姐姐Queenie對妹妹Elaine的想法很動心「我即刻覺得佢嘅idea幾好，咁不如兩姐妹拍住上啦! 因為我做空姐，要輪班，D時間好唔穩定，而洗衣店呢類生意唔困身，請個有經驗嘅姨姨，自己又利用下stand by嘅時間落洗衣店幫下手。我唔洗辭左正職，但又多左份副業幫補下。」

妹妹Elaine指「如果自己一個創業就驚驚地，以前得個諗字，宜家有佢同我一齊即刻好有動力。番工都開心左好多，因為好期待每逢星期六､日去舖頭幫手。」

姐姐Queenie笑說: 「做落發現好多街坊情況同我地好似，一係就屋企冇位放洗衣機，一係就太忙冇時間處理。佢地好開心我地洗衣店開左，讚我地好專業，洗衫乾衣快靚正，好過佢地平時自己係屋企洗衣機洗嘅。」

兩姊妹的第一間洗衣店在今年暑假正式開張，終一嘗當老闆、創業滋味，她們希望讓更多工作忙碌的都市人及居住在蝸居的香港人知道洗衣店的便利及專業之處。

希望兩姊妹可以繼續拍住上，生意越做越好。

更多有用資料:

申請減租信樣本

網上宣傳入門懶人包

政府基金資助一覽